Šalom
Romalen

Šalom Romalen ij than koleste delinaja večna mudrostija oti Biblija hem služini dani za ko promovisiba o hrišćanska vrednostija dromea oto amare specijalizuime audio hem video programia za ko odrasla, terne hem ćhavore.

Veruinaja da i Biblija nane samo istorijsko dokumenti, već ij đivdo Devlesoro Lafi, kovaj amenđe daruime te čitina, te razumina hem kroz kova o Devel amen oblikuini hem menini.

Sebepi akava amen potrudinđamen da ki akija veb stranica te ponudina biblijska pouke sa praktična hem relevantna teme kola ka pomožinen tumenđe te produbinen tumaro penđariba i

Biblija hem te izgradinen lično odnos sa o Spasitelji, sa o Isus Hrist.

Mangaja te dikha zajednica koja revno živini pli hrišćansko vera, kaj o manuša prihvatinena hem primeninena o biblijska vrednostija ano pumaro životi svako dive. Amaroj cilj ij da e Hristosoro mangipe menini o živoća, a amare programia te oven ki slava e Devlese a ko blagoslov za ko porodice, ćhavore hem o manuša kolaj uzala amende.

Ano avdisutno digitalno doba, ked i tehnologija oblikuini o načinja kolencar povezinamen, o Šalom Romalen đala ano korako sa o vreme. Amari audio hem o video programia akhanaj dostupna ko sa digitalna platforme, so omogućini , ko akava način, da e Devlesoro lafi te resel đi svako manuš kova šunela amen.